5 ຜັກ ແລະໝາກໄມ້ທີ່ມີວິຕາມິນ C ຫຼາຍກວ່າໝາກກ້ຽງ

      ເວລາເຮົາຄິດຫາວິຕາມິນຊີ ເມື່ອໃດ ເຊື່ອໄດ້ເລີຍວ່າຫຼາຍຄົນຄົງຄິດຫາໝາກກ້ຽງເປັນສິ່ງທຳອິດ ເພາະວ່າໝາກກ້ຽງ 1 ໜ່ວຍກາງ ມີວິຕາມິນຊີ ປະມານ 70 ມິນລີກຣາມ ຊຶ່ງຖືເປັນປະລິມານຫຼາຍພໍສົມຄວນ, ເຖິງຢ່າງໃດກໍຕາມ ຄວາມຈິງແລ້ວ ຍັງມີຜັກ ແລະ ໝາກໄມ້ຊະນິດອື່ນອີກ ທີ່ມີວິຕາມິນຊີຫຼາຍກວ່າໝາກກ້ຽງ ເຊິ່ງຈະມີຫຍັງແນ່ນັ້ນ ເຮົາມາເບິ່ງກັນເລີຍ

1. ສະຕໍເບີຣີ່

ສະຕໍເບີຣີ່ທີ່ຫຼາຍຄົນມັກກິນນັ້ນມີວິຕາມິນຊີຫຼາຍເຖິງ 85 ມິນລີກຣາມຕໍ່ຖ້ວຍ ແລະ ຍັງອຸດົມໄປດ້ວຍທາດແມັກນີຊຽມ ເຊິ່ງສາມາດຄຸມລະດັບນ້ຳຕານໃນເລືອດໃຫ້ຄົງທີ່.

2. ໝາກນັດ

ໝາກນັດເປັນໝາກໄມ້ທີ່ມີລົດຊາດສົ້ມຫວານ ເຊິ່ງໝາກນັດ 1 ຖ້ວຍ ມີວິຕາມິນຊີ 79 ມິນລີກຣາມ ແຖມຍັງເອນໄຊນ ຊື່ວ່າ ໂບຣມີລີນ ເປັນຈຳນວນຫຼາຍ ເຊິ່ງອາດຈະມີສ່ວນຍ່ອຍໂປຣຕີນ ບໍ່ວ່າຈະກິນ ຫຼືນຳໄປເຮັດເຄື່ອງບຳລຸງ ກໍລ້ວນແຕ່ຊ່ວຍໃຫ້ຮູ້ສຶກສົດຊື່ນໄດ້.

3. ໝາກມ່ວງ

ໝາກມ່ວງເປັນໝາກໄມ້ເມືອງຮ້ອນອີກຊະນິດໜຶ່ງ ທີ່ຈະຫ້າມບໍ່ໃຫ້ເອົາມາເລົ່າຄົງບໍ່ໄດ້ ເພາະໝາກມ່ວງ 1 ໜ່ວຍ ມີວິຕາມິນຊີ ຫຼາຍເຖິງ 122 ມິນລີກຣາມ ອີກຢ່າງມັນຍັງເປັນແຫຼ່ງຂອງ ຊີແຊນທີນ(Zeaxanthan) ເຊິ່ງເປັນສານແອນຕີ້ອັອກຊີເດັ້ນທີ່ຊ່ວຍເຮັດໃຫ້ດວງຕາມີສຸຂະພາບດີ ໂດຍຊ່ວຍກອງແສງສີຟ້າ ທີ່ຈະນຳໄປສູ່ໂລກຈໍປະສາດຕາເສື່ອມ ຫາກທ່ານກຳລັງ ຊອກຫາເຄື່ອງດື່ມທີ່ຊ່ວຍດັບຄວາມຮ້ອນ ແລະ ເຕັມປ່ຽມໄປດ້ວຍວິຕາມິນຊີ ການດື່ມນ້ຳປັ່ນໝາກມ່ວງກໍ່ສາມາດຕອບໂຈດນີ້ໄດ້ເປັນຢ່າງດີ.

4. ກະຫຼ່ຳດາວ

ກະຫຼ່ຳດາວເປັນຜັກອີກຊະນິດໜຶ່່ງທີ່ພວກເຮົາຢາກແນະນຳ ເພາະກະຫຼ່ຳດາວ 1 ຖ້ວຍມີວິຕາມິນຊີຫຼາຍເຖິງ 75 ມິນລີກຣາມ ແລະ ທີ່ສຳຄັນຄື ຜັກຊະນິດນີ້ ອຸດົມສົມບູນໄປດ້ວຍສານແອນຕີ້ອັອກຊີເດັ້ນ ຊຶ່ງສາມາດປົກປ້ອງທ່ານຈາກໂລກມະເລັງບາງຊະນິດ ລວມເຖິງຍັງມີໄຟເບີສູງ ເຮັດໃຫ້ຊ່ວຍຄວບຄຸມລະດັບນ້ຳຕານໃນເລືອດ ແລະ ບັນເທົາອາການຖອກທ້ອງໄດ້ອີກດ້ວຍ.

5. ໝາກກີວີ່

ໝາກກີວີ່ຖືວ່າເປັນສຸດຍອດແຫຼ່ງຂອງວິີຕາມິນຊີ ເພາະໝາກກີວີ່ພຽງແຕ່ 2 ປ່ຽງນ້ອຍ ມີຮ້ອນທີ່ມີຄວາມຄ້າຍກັບໝາກມ່ວງ ແລະ ໝາກນັດ ທີ່ອັດແໜ້ນໄປດ້ວຍວິຕາມິນຊີ ທັງນີ້ໝາກຫຸ່ງ 1 ໜ່ວຍ ມີວິຕາມິນຊີປະມານ 95 ມິນລີກຣາມ ຍິ່ງໄປກວ່ານັ້ນມັນຍັງມີເອນໄຊຊື່ວ່າ ປາເປນ (papain) ແລະ ໄຄໂມປາເປນ ()ວິຕາມິນຊີຫຼາຍເຖິງ 128 ມິນລີກຣາມ ນອກຈາກນັ້ນນັກວິໄຈຍັງພົບວ່າ ການກິນໝາກກີວີ່ສາມາດຊ່ວຍໃຫ້ເຮົານອນຫຼັບໄວ ແລະ ເຮັດໃຫ້ການນອນມີຄຸນນະພາບຫຼາຍຂຶ້ນ ຊຶ່ງແນວໂນ້ມວ່າເປັນເພາະລະດັບເຊຣາໂທນິນ ທີ່ພົບເຫັ້ນຫຼາຍໃນໝາກກີວີ່ ຮໍໂມນດັ່ງກ່າວມີບົດບາດສຳຄັນໃນການຊ່ວຍໃຫ້ເຮົາຢາກນອນນັ້ນເອງ.