ຕື່ນຍາກ ຢາກນອນຕະຫຼອດເວລາ ຢ່າຄິດວ່າເຈົ້າຄ້ານ ຄວາມຈິງແລ້ວມັນເປັນສິ່ງທີ່ບອກວ່າເຈົ້າເປັນໂລກນີ້ຢູ່!!

ຫາກວ່າເຈົ້າເປັນຄົນໜຶ່ງທີ່ຕື່ນຍາກ ແລະເຜີງີບຫຼັບເປັນບາງຄັ້ງຄາວໃນຕອນກາງເວັນ ເພາະຄວາມອ່ອນເພຍ ຮູ້ໄວ້ວ່າອາດຈະບໍ່ໄດ້ເປັນເພາະເຈົ້າຄ້ານ ແຕ່ເຈົ້າກຳລັງເສບຕິດຄວາມຄຽດໃນແຕ່ລະມື້ຢູ່ ຈົນເຮັດໃຫ້ພາວະຕ່ອມໝວກໄຕລ້າ ຈົນມີອາການສະແດງອອກຢ່າງທີ່ເຫັນ ລອງສັງເກດໂຕເອງວ່າ ກຳລັງ ເສບຕິດ ຄວາມຄຽດ ຢູ່ຫຼືບໍ່ ເພາະປັດໃຈທີ່ເຮັດໃຫ້ເກີດຄວາມຄຽດບໍ່ໄດ້ມາຈາກປັນຫາຄອບຄົວ ແລະເລື່ອງງານເທົ່ານັ້ນ ສິ່ງເລົ້າໂລມທີ່ເຂົ້າມາກະຕຸ້ນພຽງເລັກໆນ້ອຍໆ ເຊັ່ນວ່າການຈາລະຈອນທີ່ໜາແໜ້ນ ອອກກຳລັງກາຍທີ່ຫັກໂຫມຫຼາຍເກີນໄປ ແລະ ການອົດນອນ ຄວາມຄຽດທີ່ມາຈາກປັດໄຈເຫຼົ່ານີ້ ເມື່ອມັນເກີດຂຶ້ນເລື້ອຍໆກໍສາມາດສະສົມ ແລະ ກາຍເປັນອາການ ເສບຕິດຊະນິດໜຶ່ງ ໄດ້ເຊັ່ນກັນ ເຊິ່ງອາການນີ້ເອີ້ນວ່າ ອາການເສບຕິດຄວາມຄຽດ

ພາວະຕ່ອມໝວກໄຕລ້າ ຈັດຢູ່ໃນກຸ່ມ ໂລກທີ່ຖືກລືມ ເພາະບໍ່ໄດ້ຮັບການວິໄຈ ຢ່າງຖືກຕ້ອງແລະທັນທ່ວງທີ ຈາກການເຈາະເລືອດກວດສຸຂະພາບທົ່ວໄປ ອາດບໍ່ພຽງພໍສຳລັບການວິໄຈພາວະນີ້ ເນື່ອງຈາກຕ້ອງ ວັດແທກລະດັບຮໍໂມນຕ່ອມໝວກໄຕ 2 ໂຕ ທີມີຊື່ວ່າ ຄອຣຕິຊອລ ແລະ ດີເອຊເອ ຈາກຜົນເລືອດຮ່ວມດ້ວຍ.

Cortisol ແລະ DHEA ຄື ຮໍໂມນແຫ່ງ ຄວາມຄຽດ ໃນຮ່າງກາຍຂອງມະນຸດ ປັດຈຸບັນນີ້ ການຮັກສາພາວະຕ່ອມໝວກໄຕລ້າ ຈະມຸ່ງເນັ້ນໄປທີ່ການປັບໃຫ້ຮໍໂມນ 2 ໂຕນີ້ໃຫ້ຢູ່ລະດັບທີ່ສົມດຸນ ໂດຍທີ່ Cortisol ຄືຮໍໂມນຄວາມຄຽດໂຕຫຼັກຂອງຮ່າງກາຍ ປົກກະຕິຮ່າງກາຍຈະຫຼັ່ງອອກມາປະລິມານຫຼາຍທີ່ສຸດໃນຕອນເຊົ້າ ຊ່ວຍໃຫ້ຮ່າງກາຍຮູ້ສຶກສົດຊື່ນ ແລະມີພະລັງສູ້ໃນມື້ໃໝ່ຂອງທຸກໆມື້ ແລະຈະຫຼຸດລົງເຫຼືອພຽງ 10% ໃນຊ່ວງຕອນແລງ ແຕ່ວ່າໃນສະຖານະການຄັບຂັນ Cortisol ຈະເຮັດໜ້າທີ່ກະຕຸ້ນໃຫ້ຄວາມດັນໂລຫິດສູງຂຶ້ນ ແລະອັດຕາການເຕັ້ນຂອງຫົວໃຈໃຫ້ເພີ່ມຂຶ້ນ ເພື່ອກຽມພ້ອມຮ່າງກາຍໃຫ້ຕໍ່ສູ້ກັບບັນຫາຕໍ່ໜ້າ ຖ້າເກີດຄວາມຄຽດສະສົມຊຳເຮື້ອ ຈາກການເຮັດວຽກໜັກເກີນໄປ ພັກຜ່ອນບໍ່ພຽງພໍ ຫຼື ອອກກຳລັງກາຍຫຼາຍເກີນໄປ ພໍດີລະດັບຮໍໂມນ Cortisol ທີ່ສູງຂຶ້ນຈະເລີ່ມສົ່ງຜົນເສຍຕໍ່ຮ່າງກາຍ ເນື່ອງຈາກຮໍໂມນໂຕນີ້ມີອິດທິລິດ ໃນການສະຫຼາຍ ແລະທຳລາຍລ້າງ ເຮັດໃຫ້ຮ່າງກາຍເສື່ີອມ ແລະເຖົ້າໄວ ແຕ່ຖ້າມີໜ້ອຍໄປກໍຈະເຮັດໃຫ້ບໍ່ມີແຮງລຸກຂຶ້ນຈາກບ່ອນນອນຕອນເຊົ້າ ຂາດຄວາມກະຕືລືລົ້ນ ແລະອ່ອນເພຍຕອນກາງເວັນ ສ່ວນຮໍໂມນ DHEA  ຄືຮໍໂມນເພດຊະນິດໜຶ່ງ ທີ່ເປັນຮໍໂມນຕັ້ງແຕ່ຕົ້ນຂອງທັງຮໍໂມນເພດຍິິງ ແລະເພດຊາຍ ແລະຍັງເປັນຮໍໂມນຕ້ານຄວາມຄຽດ ຊ່ວຍຕ້ານອິດທິລິດຂອງ cortisol ເມື່ອຮ່າງກາຍຢູ່ໃນພາວະຄວາມຄຽດ ມີສິດໃນການເສີມສ້າງ ຊ່ວຍເພີ່ມຄວາມສົດຊື່ນ ເພີ່ມຄວາມກະຕືລືລົ້ນໃຫ້ກັບຮ່າງກາຍ ເພີ່ມຄວາມແຂງແຮງໃຫ້ກັບກ້າມເນື້ອ ຊະລໍອາການເຖົ້າໄວ ແລະກະຕຸ້ນຄວາມຮູ້ສຶກທາງເພດ.

ການປ້ອງກັນບໍ່ໃຫ້ພາວະຕ່ອມໝວກໄຕລ້າ ທີ່ດີທີ່ສຸດຄື ການນອນຫຼັບໃຫ້ພຽງພໍຢ່າງໜ້ອຍ 6 ຊົ່ວໂມງ ຫຼືເຂົ້ານອນກ່ອນ 11 ໂມງ ກິນເຂົ້າແລງ ກ່ອນ 10 ໂມງ ເພາະຫຼັງຈາກ 10 ໂມງລັດັບ Cortisol ຈະຫຼຸດລົງ ເຮັດໃຫ້ຍິ່ງອ່ອນເພຍ Cortisol ຈະເຮັດວຽກດີຂຶ້ນເມື່ອມີນ້ຳຕານໃນເລືອດພຽງພໍ ຄວນກິນມື້ລະເລັກລະໜ້ອຍ ແທນອາການກິນອາຫານມື້ຫຼັກ 1 – 2 ມື້ ແລະອອກກຳລັງກາຍແບບໜັກປານກາງ ເພາະການອອກກຳລັງກາຍທີ່ໜັກເກີນໄປຈະສົ່ງຜົນໃຫ້ຕ່ອມໝວກໄຕລ້າຫຼາຍຍິ່ງຂຶ້ນ.

ລອງຫາວິທີຄາຍຄວາມຄຽດເຊັ່ນຫາງານອະດີເລກເຮັດ ໄປທ່ອງທ່ຽວ ແລະກິນອາຫານເສີມ ແລະສະໝຸນໄພບາງຊະນິດ ສາມາດຊ່ວຍຫຼຸດອາການຕ່ອມໝວກໄຕລ້າໄດ້.