ວິທີເຮັດໄສ້ອົ່ວກິນເອງ ທີ່ແຊບດ້ວຍຕົວຂອງທ່ານເອງ
ໃສ້ອົ່ວເປັນອາຫານຢ່າງໜຶ່ງທີ່ໃຜໆກໍ່ຕ້ອງຮູ້ຈັກ ດ້ວຍລົດຊາດທີ່ຮັບປະທານແລ້ວຮູ້ສຶຶກເຖິງເຄື່ອງໃນຕ່າງໆ ແລະ ມີຄວາມເຜັດຮ້ອນ ທີ່ຈະຖືກໃຈຫຼາຍທ່ານທີ່ມັກອາຫານລົດຈັດ, ການເຮັດໃສ້ອົ່ວເປັນວິທີການທະນຸຖະໜອມອາຫານ ທີ່ສາມາດເຮັດກິນໄດ້ດົນຂຶ້ນ, ໃສ້ອົ່ວມີການນຳເອົາໃສ້ໝູ ຊີ້ນໝູ ສ່ວນຫຼາຍນິຍົມໃຊ້ຊີ້ນໝູ ແລະ ເຮັດໃຫ້ສຸກດ້ວຍວິທີການປີ້ງ ຈະສົ່ງກິ່ນຫອມເຮັດໃຫ້ເປັນທີ່ຖືກອົກຖືກໃຈ ຜູ້ຄົນທີ່ໄດ້ລອງຊີມ , ທ່ານອາດຈະຄິດວ່າເມນູແຊບໆແບບນີ້ອາດຈະເຮັດຍາກແມ່່ນບໍ່ ບໍ່ແມ່ນເລີຍ ວິທີ່ການເຮັດໃສ້ອົ່ວຫມູ ງ່າຍແສນງ່າຍ ພຽງແຕ່ທ່ານເຮັດຕາມວິທີທີ່ເຮົາແນະນຳ ທ່ານກໍ້່ຈະໄດ້ໃສ້ອົ່ວທີ່ຈະບໍ່ເຮັດໃຫ້ທ່ານຜິດຫວັງແນ່ນອນ ແຖມຍັງເກັບໄວ້ຕູ້ເຢັນໄດ້ດົນ ຢາກເມື່ອໃດກໍ່ສາມາດນຳອອກມາປີ້ງໄດ້ເລີຍ.
ສ່ວນປະກອບ
ສ່ວນປະກອບທີ່ສຳຄັນ:
ຊີ້ນໝູບົດ 1 Kg
ໄສ້ໝູທຽມ 10 ທ່ອນ
ໃບໝາກກູດຊອຍ 10 ໃບ
ຜັກຊີຊອຍ 2 ບ່ວງ
ຕົ້ນຫອມຊອຍ 2 ບ່ວງ
ໝາກເຜັດແຫ້ງ 10 ໜ່ວຍ
ຂ່າຊອຍ 1 ບ່ວງ
ຫົວສີໄຄ 2 ບ່ວງ
ຫອມແດງ 10 ຫົວ
ກະທຽມ 21 ກີບ
ກະປີ 2 ບ່ວງ
ເກືອ 1 ບ່ວງນ້ອຍ
ເວລາໃນການເຮັດ
ຕຽມອາຫານ 20 ນາທີ
ເວລາເຮັດອາຫານ 20 ນາທີ
ວິທີເຮັດ
- ຕຳເຄື່ອງທີ່ກຽມໄວ້ໃຫ້ລະອຽດ ແລະ ລ້າງເກືອອອກຈາກໄສ້ໝູໃຫ້ສະອາດ
- ໃສ່ຜັກຊີ ຕົ້ນຫອມ ໃບຫມາກກູດ ຄົນໄສ່ກັບເນື້ອໝູບົດ
- ນຳເຄື່ອງທີ່ຕຽມໄວ້ ມາຍັດໄສ່ໄສ້ໝູ ຫຼັງຈາກທີ່ຍັດເຕັມແລ້ວໃຫ້ມັັດ
- ນຳເອົາໃສ້ອົ່ວມາປີ້ງໃສ່ໄຟອ່ອນໆ ສຸກເຫຼືອງພໍດີ ພ້ອມຮັບປະທານ ກັບຜັກກັບຕ່າງໆ ໄດ້ຕາມຄວາມຕ້ອງການເລີຍ