ມັນດ້າງຫວານຍີ່ປຸ່ນ ເບິ່ງຄືຈະບໍ່ມີຄຸນປະໂຫຍດ ແຕ່ປຽບລົ້ນໄປດ້ວຍຄຸນປະໂຫຍດ

ຫຼາຍໆຄົນອາດຈະເຊື່ອວ່າມັນດ້າງຫວານຍີ່ປຸ່ນ ຮັບປະທານແລ້ວເຮັດໃຫ້ນ້ຳຕານໃນເລືອດສູງຂຶ້ນ ເພາະມີລົດຊາດຫວານ ແຖມເນື້ອອງມັນດ້າງຍັງເປັນແປ້ງ ຍິ່ງຮັບປະທານນ້ຳໜັກຍິ່ງເພີ່ມແມ່ນບໍ່?

            ແຕ່ໃນຄວາມຈິງແລ້ວບໍ່ແມ່ນຢ່າງທີ່ທ່ານຄິດເລີຍ ເພາະຄົນທີ່ກິນມັນດ້າງເປັນປະຈຳມັກຈະບໍ່ມີໂລກໄພມາບຽດບຽນ ແຖມຍັງດີຕໍ່ລະບົບທາງເດີນອາຫານ ແລະ ລຳໄສ້ ຖືໄດ້ວ່າເປັນອາຫານທີ່ດີຕໍ່ສຸຂະພາບຫຼາຍ, ນອກຈາກນີ້ ຄຸນຄ່າທາງອາຫານທີ່ຖືກອັດແໜ້ນ ມັນດ້າງຫວານຍີ່ປຸ່ນຍັງຖືກຍົກໃຫ້ເປັນສຸດຍອດອາຫານອີກດ້ວຍ ບໍ່ວ່າຈະເປັນເລື່ອງຂອງການຊ່ວຍ ຂັບສານພິດໃນລຳໄສ້ ເຮັດໃຫ້ຜິວພັນຂາວໄສ ແຖມຍັງມີສານຕໍ່ຕ້ານອານຸມູນອິດສະຫຼະ ທີ່ຊ່ວຍຫລຸດຜ່ອນຂອງການເຖົ້າໄວ, ໃນປັດຈຸບັນ ມັນດ້າງຫວານຍີ່ປຸ່ນຍັງເປັນທີ່ສົນໃຈຈາກດາຮໍລິວູດທີ່ຮັກເລື່ອງສຸຂະພາບຫຼາຍໆທ່ານ ອີກດ້ວຍກ.

ທັ້ງໆທີ່ຫວານ ແຕ່ຄ່າ GI ກັບຕ່ຳ

ມັນຫວານ ກໍ່ຕ້ອງຫວານ ຫຼາຍທ່ານຄົງຄິດວ່າການກິນມັນຫວານມັນຄົງຈະເຮັດໃຫ້ນ້ຳໜັກຂອງເຮົາເພີ່ມຂຶ້ນຢ່າງແນ່ນອນ ເຖິງວ່າຫຼັງຈາກທີ່ກິນແລ້ວ ເຮັດໃຫ້ເຮົາຮູ້ສຶກວ່າຢູ່ທ້ອງດີ ແຕ່ຄວາມຮູ້ສຶກວ່າຕ້ອງຕຸ້ຍຂຶ້ນຍັງຄົງຢູ່ ແຕ່ວ່າຄວາມຈິງແລ້ວ ບໍ່ໄດ້ເປັນດັ່ງທີ່ຄິດ ເພາະມັນດ້າງຫວານຍີ່ປຸ່ນ ເປັນອາຫານທີ່ມີ Glycemic Index (GI) ຕ່ຳ ເຮົາສາມາດກິນເພື່ອລົດນ້ຳໜັກໄດ້ຢ່າງສະບາຍ ເພາະຄ່າ GI ທີ່ວັດແທກໄດ້ຈາກມັນຫວານຍີ່ປຸ່ນນັ້ນ ຕ່ຳກວ່າ 55 ອີກດ້ວຍ.

Glycemic Index (GI) ແມ່ນຄ່າດັດສະນີວັດແທກຄຸນນະພາບຂອງອາຫານປະເພດ ຄາໂບໄຮເດຼດ ຊຶ່ງຫຼັງຈາກການຍ່ອຍ ແລະ ຖືກດູດຊຶມເຂົ້າສູ່ຮ່າງກາຍແລ້ວ ຈະສາມາດເພີ່ມລະດັບນ້ຳຕານໃນເລືອດຫຼາຍ ຫຼື ໜ້ອຍ ໂດຍມີຄ່າ GI ຕັ້ງແຕ່ 0 ຫາ 100

ຖືກອັດແໜ້ນໄປດ້ວຍວິຕາມິນ C

ອາດຈະເບິ່ງຄືເຫຼືອເຊື່ອ ແຕ່ມັນດ້າງຫວານຍີ່ປຸ່ນ ໃນ 100 ກຣາມ ມີ Vitamin C ຢູ່ເຖິງ 30 ມິນລີກຣາມ ເຊິ່ງສູງພໍໆກັບການກິນແອັບເປິ້ນ ເຖິງ 7 ໜ່ວຍ!! ນອກຈາກນີ້ ວິຕາມິນ C ທີ່ຢູ່ໃນມັນດ້າງຫວານຍີ່ປຸ່ນ ຈະຍຶດຕິດກັບເນື້ອແປ້ງ ທີ່ເຮັດໜ້າທີ່ຄ້າຍຄືກາວ ເຖິງວ່າຈະຖືກຄວາມຮ້ອນວິຕາມິນກໍ່ຍັງບໍ່ຖືກທຳລາຍໄປຈົນໝົດ ເຊິ່ງອັນນີ້ແຫຼະທີ່ເປັນຂໍ້ໄດ້ປຽບຂອງມັນດ້າງຫວານຍີ່ປຸ່ນ.

Anti-Aging & Vitamin E

ເຂດໄກ້ໆບໍລິເວນເນື້ອຂອງມັນດ້າງຫວານຍີ່ປຸ່ນ ມີສານທີ່ເປັນຕົວຊ່ວຍລົດຄວາມເສື່ອມຂອງຜິວຕາມການເວລາ (Anti-Aging) ແລະຍັງມີຄຸນສົມບັດຕໍຕ້ານສານອານຸມູນອິດສະຫຼະອີກດ້ວຍ, ນອກຈາກສານທີ່ໄດ້ກ່າວມານັ້ນແລ້ວ ວິຕາມິນ E ເອງ ຍັງເປັນສານອາຫານທີ່ມີຫຼາຍພໍສົມຄວນ ແລະ ຍັງບຳລຸງຜິວໃຫ້ຂາວ ໃສ ນັບໄດ້ວ່າໄດ້ທັງປະໂຫຍດດ້ານສຸຂະພາບ ແລະຄວາມງານໄປພ້ອມໆກັນເລີຍ.

ລົດນ້ຳໜັກ ແລະອຸດົມໄປດ້ວຍໂພເທັກຊຽມ

ມັນດ້າງຫວານຍີ່ປຸ່ນມີໂພເທັັກຊຽມຫຼາຍກວ່າເຂົ້າເຖິງ 18 ເທົ່າ ຈຶ່ງລົດປັນຫາເລື່ອງນ້ຳໜັກທີ່ເພີ່ມຂຶ້ນ ແລະ ຍັງຊ່ວຍໃນເລື່ອງຂອງຄວາມດັນໂລຫິດຕ່ຳອີກດ້ວຍ ແຕ່ເນື່ອງຈາກໂພເທັກຊຽມມັນສູນເສຍໄດ້ງ່າຍເມື່ອເວລາໄປປຸງປະກອບອາຫານ ດັ່ງນັ້ນຫາກເຮົານຳມມັນຫວານຍີ່ປຸ່ນໄປເຮັດແກງກໍ່ຢ່າລືມທີ່ຈະຊົດນ້ຳຕາມນຳເດີ.

YARAPIN & FIBER

Yarapin ແມ່ນສານອາຫານທີ່ມີພຽງມັນດ້າງຫວານຍີ່ປຸ່ນຢ່າງດຽວເທົ່ານັ້ນ ທີ່ທີສິດຊ່ວຍຂັບໄລ່ສານພິດ ຫຼື ຂອງເສຍໃນຮ່າງກາຍ ຊ່ວຍປົກປ້ອງກະເພາະອາຫານ ແລະ ຍັງຊ່ວຍຂັບເຄື່ອນຂອງເສຍພາຍໃນລຳໄສ້ອອກມາໄດ້ໄວຂຶ້ນອີກດ້ວຍ.

Yarapin ມີຢູ່ພຽງບໍລິເວນໄກ້ໆ ຂອງຜິວມັນເທົ່ານັ້ນ ຫາກຕ້ອງການໃຫ້ຮ່າງກາຍໄດ້ຮັບສານນີ້ ກໍ່ຈຳເປັນຕ້ອງກິນໃຫ້ໝົດເປືອກ.

ນອກຈາກນີ້ແລ້ວ ຍັງມີເສັ້ນໃຍ ຫຼື Fiber ທີ່ສາມາດຈັດສະພາບແວດລ້ອມລຳໄສ້ໄດ້ເປັນຢ່າງດີ ເຮັດໃຫ້ລຳໃສ້ ແລະທ້ອງສະອາດປາສະຈາກຂອງເສຍຕົກຄ້າງ ສົ່ງຜົນໃຫ້ຜິວພັນເປັ່ງໃສ ຂຶ້ນໃນທີ່ສຸດ