ຄຸນປະໂຫຍດຂອງເຂົ້າກ່ຳ Black sticky rice

ເຂົ້າ​ກ່ຳ ( Black sticky rice ) ເຂົ້າ​ໜຽວ​ກ່ຳ ຫຼື ເຂົ້າ​ໜຽວ​ດຳ ເປັນ​ສາຍ​ພັນ​ເຂົ້າ​ໜຽວ ທີ່​ມີ​ສີ​ແດງ​ອົມ​ມ່ວງໂດຍ​ທຳ​ມະ​ຊາດ ມີ​ການ​ປູກ​ຢູ່​ບາງ​ເຂດ ຂອງ ລາວ​ເທົ່າ​ນັ້ນ ເນື່ອງ​ຈາກບໍ່​ໄດ້​ເປັນ​ເຂົ້າຫຼັກໆ​ທີ່​ນິ​ຍົມ​ບໍ​ລິ​ໂພກ. ​ເຂົ້າ​ກ່ຳ​ນິ​ຍົມ​ນຳ​ມາ​ເຮັດ​ເຂົ້າຫຼາມ ຫຼື ເປັນ​ຂອງ​ຫວານເຊັ່ນ: ນຳ​ມາ​ໜຶ້ງ​ແລ້ວ ປຸງ​ດ້ວຍ​ນ້ຳ​ຕານ ແລະ ​ໂຮຍ​ດ້ວຍໝາກ​ພ້າວ​ອ່ອນ.  ເຊິ່ງ​ປະ​ເທດ​ທີ່​ນິ​ຍົມ​ປູກ​ເຂົ້າ​ກ່ຳ​ແມ່ນ ສ​ປ​ປ ລາວ, ສ​ສ ຫວຽດ​ນາມ ແລະ ສ​ປ ຈີນ.

ຄຸນ​ປະ​ໂຫຍດ​ຂອງ​ເຂົ້າ​ກ່ຳ

       ​ເຂົ້າ​ກ່ຳ ​ເຖິງ​ຈະ​ເປັນ​ສາຍ​ພັນ​ເຂົ້າ​ໜຽວ ແຕ່​ທີ່​ຈິງ​ແລ້ວນອກ​ຈາກ​ຈະ​ໜຶ້ງ​ຄື​ກັບ​ເຂົ້າ​ໜຽວ​ທົ່ວ​ໄປ ຍັງ​ສາ​ມາດ​ຫຸງ ໂດຍ​ໃຊ້​ຫມໍ້​ຫຸງ​ເຂົ້າ​ໄດ້ ​ໂດຍ​ຈະ​ມີ​ລັກ​ສະ​ນະ​ຄື​ກັນ​ກັບການ​ກິນ​ເຂົ້າ​ກ້ອງ. ຈະ​ຫຸງ​ໂດຍ​ໃຊ້​ເຂົ້າ​ຈ້າວ​ຂາວ 1-2ຖ້ວຍ ຕໍ່​ເຂົ້າ​ກ່ຳ 1 ກຳ​ມື ຫຼື ຈະ​ຫຸງ​ເຂົ້າ​ກ່ຳ​​ຢ່າງ​ດຽວກໍ່​ໄດ້. ສັດ​ສ່ວນ ຫຼື ປະ​ລິ​ມານ ແລ້ວ​ແຕ່​ຜູ້​ບໍ​ລິ​ໂພກວ່າ​ຕ້ອງ​ການ​ຄຸນ​ປະ​ໂຫຍດ​ເທົ່າ​ໃດ.  ແລະ ຄຸນ​ປະ​ໂຫຍດ​ຂອງ​ເຂົ້າ​ກ່ຳ​ກ້ອງ​ມີ​ຫຍັງ​ແດ່. 

ເຂົ້າໜຽວກ່ຳ ຫຼື ເຂົ້າກ່ຳ ຕາມການເອີ້ນຕາມສີຂອງລັກສະນະເມັດເຂົ້າ ທີ່ມີສີແດງເຂັ້ມ ຫຼື ແດງກ່ຳ, ເຂົ້າກ່ຳມີຄຸນຄ່າງທາງສະໝຸນໄພ, ໂພຊະນາການສູງ, ​ຄ​ວາມ​ສວຍ​ງາມ ແລະ ການປິ່ນປົວພະຍາດ. ໃນເຂົ້າກ່ຳມີສານທີ່ເອີ່ນວ່າ OPC ( Oligomeric Proanthocyanidins) ສານ​ຕ້ານ​ອະ​ນຸມູນອິດສະຫຼະທີ່ໄດ້ຈາກທຳມະຊາດ ສານ OPC ພົບຫຼາຍ​ຢູ່​ນຳ​​ແກ່ນໝາກ​ໄມ້​ປະ​ເພດ​ອາ​ຫງຸ່ນ, ບ​ລູ​ເບີ​ລີ, ພ​ລັມ ແລະ ເປືອກ​ສົນ. ໂດຍ​ສະ​ເພາະ​ໃນ​ແກ່ນ​ອະ​ຫງຸ່ນ​ກັບ​ເຂົ້າ​ກ່ຳ​ແມ່ນ​ສານ​ຊະ​ນິດ​ດຽວ​ກັນ ເປັນ Super Antioxidant ມີ​ປະ​ສິດ​ທິ​ພາບຫຼາຍກວ່າ​ວິ​ຕາ​ມິນ​ຊີ ແລະ ອີ ມີຫຼາຍກວ່າ Antioxidant ທີ່​ພົບ​ໃນ​ຜັກ ແລະ​ໝາກ​ໄມ້.

ຄຸນ​ປະ​ໂຫຍດ​ຂອງ​ສານ OPC ໄດ້​ແກ່: 

• OPCຈະ​ຊ່ວຍ​ຢັບ​ຢັ້ງ​ການ​ເກາະ​ໂຕ​ຂອງ ຄໍ​ເລ​ສ໌​ເຕີ​ໂລນ (Cholesterol ) ທີ່ຫຼອດ​ເລືອດ ປ້ອງ​ກັນຫຼອດ​ເລືອດ​ອັດ​ຕັນ ເຮັດ​ໃຫ້​ເ​ລືອດ​ໝູນ​ວຽນ​ໄດ້​ດີ ຫຼຸດ​ຄວາມ​ສ່ຽງ​ໂລກ​ຫົວ​ໃຈ. 
• OPCຊ່ວຍ​ປ້ອງ​ກັນ​ການ​ເຊື່ອມ​ຂອງດວງ​ຕາ, ປົກ​ປ້ອງ​ອາ​ການ​ເຊື່ອມ​ຂອງດວງ​ຕາ​ຈາກ​ເບົາ​ຫວານ, ປ້ອງ​ກັນ​ຈໍ​ປະ​ສາດ​ຕາ​ເຊື່ອມ.  
• ​ປ້ອງ​ກັນ​ສະ​​ໝອງ​ເຊື່ອມ
•  ປ້ອງ​ກັນ​ລັງ​ສີUV ປ້ອງ​ກັນ​ການ​ເສື່ອມ​ສະ​ພາບ​ຂອງ​ຜິວ​ໜັງ ແລະ ຮອຍ​​ແຮ່ວແຫ້ງ. 

        ເພາະ​ສະ​ນັ້ນ​ສານ OPC ຈິ່ງ​ໄດ້​ຈາກ​ການ​ສະ​ກັດ​ໝາກ​ໄມ້​ສີ​ມ່ວງ ຫຼື ແດງ ຫຼື ມ່ວງ​ອົມ​ແດງ ເຊັ່ນ: ມີ​ຜົນ​ງານ​ວິ​ໄຈ​ໃຫ້​ດື່ມ​ວາຍ​ແດງ​ທີ່​ໝັກ​ຈາກ​ອະ​ຫງຸ່ນ​ເປັນ​ປະ​ຈຳ ເພື່ອ​ປ້ອງ​ກັນ​ໂລກ​ຫົວ​ໃຈ. 

ນອກ​ຈາກ​ສານ OPC ແລ້ວ​ເຂົ້າ​ກ່ຳ​ໃຫ້​ພະ​ລັງ​ງານ​ຫຍັງ​ແດ່ ?

1. ​ມີ​ຄາ​ໂບ​ຮາຍ​ເດ​ຣດ ( Carbohydrate ) ​ໃຫ້​ພະ​ລັງ​ງານ​ແກ່​ຮ້າງ​ກາຍ​ຄື​ເຂົ້າ​ກ້ອງ​ທົ່ວ​ໄປ.
2. ມີ​ທາດ​ເຫຼັກ, ສັງ​ກະ​ສີ, ແຄ​ລ​ຊຽມ, ໂປ​ຣ​ຕີນ ບຳ​ລຸງ ແລະ ຊ່ອມ​ແຊມ​ຮ່າງ​ກາຍ​ໄດ້​ດີ. 
3. ມີ​ເສັ້ນ​ໄຍ​ອາ​ຫານ (Fiber ) ​ຊ່ວຍ​ໃນ​ການ​ຂັບ​ຖ່າຍ​ສະ​ດວກ
4. ​ມີ​ວິ​ຕາ​ມິນ  B1 , B2 ​ແລະ ວິ​ຕາ​ມິນ E
5. ​ມີ​ໂອ​ເມ​ກາ 3 ແລະ ຟອ​ສຼ​ຟໍ​ລັດ

ສາມາດສັ່ງຊື້ສີນຄ້າໄດ້ທີ: www.Shopping-d.com