ກິນເທົ່າໃດກໍ່ບໍ່ເຮັດໃຫ້ຕຸ້ຍ!!! ແຈກສູດ 3 ເຄື່ອງດື່ມເພື່ອສຸຂະພາບ ຫວານໜ້ອຍ ແຕ່ແຊບ...
ປະຈຸບັນນີ້ໄປທາງໃດກໍ່ເຫັນຫຼາຍໆຄົນຈິງຈັງກັບການເບິ່ງແຍງສຸຂະພາບ ໂດຍສະເພາະເລື່ອງຂອງການລົດນ້ຳໜັກ ທີ່ມາຈາກພາວະນ້ຳໜັກເກີນ ອັນເປັນບໍ່ເກີດຂອງສະລະພັດໂລກໄດ້ເຊັ່ນ: ໂລກຫົວໃຈ, ໂລກຫຼອດເລືອດສະໝອງ, ໂລກເບົາຫວານ ແລະ ໂລກຄວາມດັນໂລຫິດສູງ ເປັນຕົ້ນ ທັງນີ້ 1 ໃນເລື່ອງສຳຄັນ ແລະກຳລັງເປັນປັນຫາສຸຂະພາບຂອງຄົນ ຮ່າງກາຍ ເຊິ່ງຄົນປົກກະຕິທົ່ວໄປ ຄວນໄດ້ນ້ຳຕານບໍ່ເກີນ 6 ບ່ວງຊາ ຫຼື 24 ກຣາມ ໃນ 1 ມື້ ແຕ່ຖ້າບໍລິໂພກຫຼາຍເກີນໄປກໍຈະຖືກປ່ຽນເປັນໄຂມັນສະສົມໃນຮ່າງກາຍ ດັ່ງນັ້ນການບໍລິໂພກນ້ຳຕານຫຼາຍໆ ສົ່ງຜົນໃຫ້ມີນ້ຳໜັກເກີນ ຕຸ້ຍ ແລະເຮັດໃຫ້ເກີດໂລກ ຫຼືປັນຫາທາງສຸຂະພາບຕາມມາໄດ້
ສຳລັບມື້ນີ້ເຮົາໄດ້ນຳເອົາ 3 ເຄື່ອງດື່ມທີ່ຫວານໜ້ອຍ ທີ່ແຊບ ແລະຍັງດີຕໍ່ສຸຂະພາບມາກຝາກ.
ໝາກຕູມ: ໝາກຕູມເປັນສະໝູນໄພທີ່ດີຢ່າງໜຶ່ງ ທີ່ຮູ້ຈັກກັນແຜ່ຫຼາຍ ສາມາດຫາຊື້ໝາກອ່ອນຕາກແຫ້ງ ເຊິ່ງມີຂາຍຢູ່ຕາມຮ້ານຂາຍຢາແຜນບູຮານ ຫຼືຕາມຕະຫຼາດ ໂດຍສັບພະຄຸນທາງຢາຂອງໝາກຕູມນັ້ນ ສາມາດຂັບລົມ ບັນເທົາອາການທ້ອງຜຸ ບັນເທົາອາການອ່ອເພຍ ແລະ ຈຸກສຽບ.
ວິທີເຮັດນ້ຳໝາກຕູມ:
ໃຊ້ໝາກຕູມອ່ອນທີ່ຝານເປັນແຜ່ນຕາກແດດໃຫ້ແຫ້ງ ລ້າງນ້ຳໃຫ້ສະອາດ ໃຊ້ສັນມີດທຸບໃຫ້ແຕກ.
ຕົ້ມນ້ຳ ໃຊ້ໝາກຕູມແຜ່ນລ້າງນ້ຳ ປີ້ງໄຟພໍຫອມຫຼືໝາກຕູມທີ່ທຸບນັ້ນ ໃສ່ລົງໄປໃນໝໍ້ປະມານ 10 – 15 ນາທີ ໂດຍການປັບໄຟປານກາງ.
ໃສ່ນ້ຳຕານລົງໄປ ແລ້ວຕົ້ມຕໍ່ໄປຈົນນ້ຳຕານລະລາຍດີ ປິດໄຟປະໄວ້ໃຫ້ເຢັນ ຖອກໃສ່ກະຕຸກນ້ຳໄວ້ ໃນຕູ້ເຢັນເກັບໄວ້ດື່ມດົນໄດ້.
ເວລາດື່ມນ້ຳໃຊ້ປະສົມນ້ຳກ້ອນ ໂດຍສະເພາະໃນຊ່ວງໜ້າຮ້ອນທີ່ມີອາການຮ້ອນຈັດ ຈະເຮັດໃຫ້ຮູ້ສຶກສົມຊື່ນ ແກ້ຮ້ອນໃນ ກະຫາຍນ້ຳໄດ້ດີ ບາງຄົນອາດຈະມັກຕົ້ມກັບນ້ຳລ້າ ໂດຍບໍ່ໃສ່ນ້ຳຕານ ເຊິ່ງລົດຊາດກໍຄ້າຍກັບດື່ມນ້ຳສະໝຸນໄພ ເຊິ່ງສາມາດດື່ມໄດ້ໃນຂະນະທີ່ອຸ່ນ ຫຼືປະສົມນ້ຳກ້ອນກໍໄດ້ເຊັ່ນກັນ.
ນ້ຳໝາກໄມ້ລວມ: ສ່ວນປະກອບໄດ້ແກ່ ຫົວກະຫຼົດ, ໝາກມ່ວງ, ໝາກນັດ
ຫົວກະຫຼົດ: ມີສັບພະຄຸນຫຼາຍ ຊ່ວຍໃນການບຳລຸງສາຍຕາ ແຖມຍັງເປັນສ່ວນຊ່ວຍໃນການເຮັດວຽກຂອງສະໝອງ ຂັບປັດສະວະ ແລະອຸດົມໄປດ້ວຍວິຕາມິນ ແລະແຮ່ທາດທີ່ມີປະໂຫຍດຕໍ່ຮ່າງກາຍ.
ໝາກມ່ວງ: ມີສານອາຫານທີ່ເປັນປະໂຫຍດຕໍ່ຮ່າງກາຍຫຼາຍ ເລີ່ມຈາກວິຕາມິນຊີ ທີ່ຈະເປັນຕໍ່ການສ້າງຄໍລາເຈັນ ຊ່ວຍປ້ອງກັນຫວັດ ແລະເພີ່ມການດູດຊຶມທາດເຫຼັັກ ເຊິ່ງໃນໝາກມ່ວງດິບສ່ວນໃຫຍ່ຈະມີວິຕາມິນຊີສູງກວ່າໝາກສຸກ ເບຕາແຄໂລທີນ ເຊິ່ງເປັນສານຕັ້ງຕົ້ນຂອງວິຕາມິນເອ ຈະພົບເຫັນໃນໝາກມ່ວງສຸກ ຊ່ວຍໃນການບຳລຸງສາຍຕາ ແລະ ປ້ອງກັນໂລກຕາບອດກາງຄືນ ລວມທັງວິຕາມິນອີ ທີ່ບໍ່ຄ່ອຍພົບເຫັນໃນໝາກໄມ້ ແຕ່ໝາກມ່ວງກໍເປັນໜຶ່ງໃນ 10 ອັນດັບໝາກໄມ້ທີ່ມີວິຕາມິນອີ ທີ່ຈະຊ່ວຍໃນການກະຕຸ້ນພູມຄຸ້ມກັນໃຫ້ຮ່າງກາຍ.
ໝາກນັດ: ມີວິຕາມິນຊ່ວຍໃນການເຮັດວຽກຂອງເນື້ອເຍື່ອກ່ຽວພັນ ແລະຍັງຊ່ວຍໃຫ້ລະບົບພູມຄຸ້ມກັນແຂັງແຮງ ເພື່ອປ້ອງກັນບໍ່ໃຫ້ຮ່າງກາຍຕິດເຊື້ອ ຕໍ່ສູ້ກັບເຊື້ອໂລກຕ່າງໆ ລວມເຖິງຊ່ວຍໃນການຍ່ອຍອາຫານ ແລະຄວບຄຸມນ້ຳຕານໃນເສັ້ນເລືອດ.
ວິທີການເຮັດນ້ຳໝາກໄມ້ລວມ(ບໍ່ມີນ້ຳຕານ).
ນຳເອົາຫົວກະຫຼົດ ແລະໝາກນັດມາປັ່ນໃຫ້ລະອຽດ ສ່ວນໝາກມ່ວງແມ່ນໃຫ້ແຍກເນື້ອ.
ປະສົມໝາກໄມ້ ແລະນ້ຳລ້າ ຂ້ຽວດ້ວຍຄວາມຮ້ອນໃຫ້ເຂົ້າກັນ ເຕີມເກືອປະມານ 1 ບ່ວງຊາ ທັງນີ້ ສາມາດໃນນ້ຳເຜິ້ງເພື່ມເພີ່ມລົດຫວານ ແລະກິ່ນຫອມໄດ້.
ນ້ຳຫົວສີໄຄ: ຫົວສີໄຄ ມີວິຕາມິນເອ ຊ່ວຍບຳລຸງສາຍຕາ ນອກຈາກນີ້ແລ້ວຍັງມີແຄລຊຽມ ແລະຟອສຟໍຣັສ ຊ່ວຍບຳລຸງກະດູກ ແລະແຂ້ວ ດື່ມແກ້ອາການທ້ອງອຶດ ແລະທ້ອງເຟີ້ ຂັບລົມ ຫຼຸດຄວາມດັນໂລຫິດສູງ ຊ່ວຍຂັບປັດສະວະ ຫຼຸດພິດຂອງສານແປກປອມໃນຮ່າງກາຍ.
ວິທີການເຮັດນ້ຳຫົວສີໄຄ:
ນຳຫົວສີໄຄປະມານ 200 ກຣາມ ມາຕັດເປັນທ່ອນໆ
ຕົ້ມຫົວສີໄຄພ້ອມກັບນ້ຳ 250 ມິນລີລິດ ຖ້າໃຫ້ນ້ຳຟົດປະມານ 5-10 ນາທີ ແລ້ວຕອງເອົານ້ຳດ້ວຍຜ້າຂາວບາງເພື່ອກັນບໍ່ໃຫ້ມີເສດຕະກອນຂອງໃບຫົວສີໄຄ.
ໃສ່ນ້ຳຕານປະມານ 15 ກຣາມ ຄົນໃຫ້ລະລາຍ ຖ້າມັກລົດຊາດສົ້ມໜ້ອຍໜຶ່ງໃຫ້ເຕີມນ້ຳໝາກນາວ ເພື່ອເພີ່ມຄວາມຊຸ່ມຄໍ ແລ້ວກອງອີກຄັ້ນໜຶ່ງ ແລ້ວຕົ້ມອີກປະມານ 2-3 ນາທີ ຖ້າຫາກຕ້ອງການກອງລົງກະຕຸກພລາສຕິກ ຕ້ອງຫຼຸດໃຫ້ອຸນຫະພູມຕ່ຳກວ່າ 70 ອົງສາ ເຊລຊຽສ ປິດຝາໃຫ້ແໜ້ນແລ້ວຈຶ່ງແຊ່ເຢັນ