Vegetable Samosa

#ສ່ວນຜະສົມ:

- ເນີຍຈືດ 2ບ່ວງໂຕະ.

- ເມັດມັສຕາດ 1/2ບ່ວງຊາ.

- ເມັດຍີ່ຫລ່າແຂກ Cumin 1/2 ບ່ວງຊາ.

- ຫອມແດງຫັ່ນເຕົາຂະໝາດນ້ອຍ 1/2ຫົວ.

- ໝາກເພັດຊີ້ຟ້າສັບລະອຽດ 1ໝ່ວຍ.

- ກະທຽມສັບລະອຽດ 1ຫົວ.

- ຂິງນ້ອຍ 1ອັນ.

- ຖົ່ວລັນເຕົາແຊາເເຂງ 1/2ຖ້ວຍຕວງ.

- ມັນຝຮັ່ງຫັ່ນເຕົາ 1ໝ່ວຍ.

- ກະລົດຫັ່ນເຕົາ 1ໝ່ວຍ.

- ດອກກະລ່ຳຂາວ 200ກລາມ.

- ຜົງກະລີ່ 2ບ່ວງຊາ.

- ນ້ຳ 1/2ຖ້ວຍຕວງ.

- ນ້ຳໝາກນາວ 1/2ບ່ວງໂຕະ.

- ເກືອ 1ບ່ວງຊາ.

- ແຜ່ນແປ້ງເປາະເປ້ຍສຳເລັດຮູບ 250ກລາມ.

# ວິທີເຮັດ:

1,ຜັດເນີຍກັບເມັດມັສຕາດ ແລະເມັດຍີິ່ຫລ່າແຂກຈົນມີກີ່ນຫອມ ໃສ່ຫອມແດງລົງຜັດຈົນສຸກນີ້ມ ຕາມດ້ວຍກະທຽມ ຂິງ ແລະໝາດເພັດຊີ້ຟ້າ ຜັດຈົນເຂົ້າກັນ ນານປະມານ 2-3ນາທີ.

2,ໃສ່ຖົ່ວລັນເຕົາ ມັນຝຮັ່ງ ດອກກະລ່ຳຂາວ ແລະກະລົດ ລົງຜັດຈົນສຸກ ແລະເຂົ້າກັນດີ.
3 ເມື່ອຜັກເລີມສຸກໃຫ້ໃສ່ຜົງກະລີ່ ນ້ຳ ແລະໝາກນາວ ປຸງລົດດ້ວຍເກືອ ເຮັດໄຟອ່ອນ ຜັດທຸກຍ່າງໃຫ້ສຸກເຂົ້າກັນດີ ຕັກໃສ່ຖ້ວຍປະໄວ້.

4,ນຳແຜ່ນເປາະເປ້ຍມາຕັດເປັນ 3ສ່ວນເທົ່າໆກັນ ຊ້ອນແຜ່ນເປາະເປ້ຍ 2ຊັ້ນ ຕັກສ່ວນຜະສົມໄສ້ (ປະມານ 2ບ່ວງໂຕະ) ວາງບ່ອນສ່ວນປາຍຂອງແຜ່ນນແປ້ງ ຄ່ອຍຂື້ນຮູບເປັນຊົງສາມຫຼ່ຽມ ມ້ວນແປ້ງໄປຈົນສຸກປາຍແຜ່ນແປ້ງ ປິດແຜ່ນແປ້ງດ້ວຍນ້ຳເພື່ອບໍ່ໃຫ້ໄສ້ຫຼຸດອອກມານເຮັດຈົນຄົບກຽມໄວ້:

5,ໃສ່ນ້ຳມັນລົງໃນໝໍ້ ຖ້າຈົນນ້ຳມັນຮ້ອນປະມານ 180ອັງສາ ນຳຊາໂມຊ່າທີ່ກຽມໄວ້ລົງທອດຈົນແປ້ງມີສີເຫຼືອງອົມນ້ຳຕານ ຕັກຂື້ນສະເດັດນ້ຳມັນ ຈັດໃສ່ຈານເສີບຂະນະຮ້ອນໆ.