ເຂົ້າໄລ້ເບີຮີ່ (Riceberry) ຜັດປານິນອາຫານຈານດຽວຈາກທັນຍາພືດເພື່ອສຸຂະພາບ

     ອາຫານຈານດຽວຄືເມນູເຂົ້າພັດໃຜໆ ກໍ່ເຄີຍກີນມາແລ້ວແຕ່ເຂົ້າພັດປາຈະມີໃຜເຄີຍກີນມາແລ້ວບໍ່ ແລະທີ່ສຳຄັນເອົາເຂົ້າໄລ້ເບີຮີ່ ( Riceberry ) ທີ່ມີຄຸນປະໂຫຍດຫຼາກຫຼາຍມາຜັດນຳ ກາຍເປັນເມນູເພື່ອສຸຂະພາບທີ່ແຊບ ແລະເຊື່ອວ່າມີຫຼາຍຄົນທີຍັງບໍ່ເຄີຍລອງ ເຮົາມາເບີ່ງກັນເລີຍວ່າສ່ວນຜະສົມມີຫຍັງແນ່ ແລະມີວິທີເຮັດແນວໃດແນ່.

ສ່ວນຜະສົມ: 

1.ປານິນຊອຍສີ່ຫຼຽມເປັນລູກເຕົາ 100ກລາມ.

2.ເກືອປົ່ນຫຍາບ ໝ້ອຍໝື່ງ.

3.ພິກໄທປົ່ນ ໝ້ອຍໝື່ງ.

4,ແປ້ງທອດກ້ອນສຳເລັດຮູບ.

5.ນ້ຳມັນພືດ ສຳຫຼັບທອດ.

6,ກະທຽມສັບ 1ບ່ວງຊາ.

7.ນ້ຳມັນໝາກກອກ 1 1/2ບ່ວງຊາ.

8.ກະລົດຊອຍເປັນລູກເຕົາ 1ບ່ວງໂຕະ.

9.ບ໋ອກໂຄຮີ່ຊອຍເປັນລູກເຕົາ 1ບ່ວງໂຕະ.

10.ໝາກອຶແກ່ຊອຍເປັນລູກເຕົາ 1ບ່ວງໂຕະ.

11.ເຂົ້າໄລ້ເບີຮີ່ຫຸງສຸກ 3/4ຖ້ວຍຕວງ.

12,ຊ໋ອດເຫັດຫອມ 2ບ່ວງຊາ.

13.ຊີອີ້ວຂາວ 1/2ບ່ວງຊາ.

14.ນ້ຳຕານຊາຍ 1/4ບ່ວງຊາ.

15.ເມັດໝາກມ່ວງຫິມະພານ 6-7ເມັດ.

16.ແກ່ນໃນຕາເວັນ 1ບ່ວງຊາ.

17.ນ້ຳປາຜະສົມນ້ຳໝາກນາວ ແລະໝາກເພັດຂີ້ໝູ.

ວິທີເຮັດ:

- ໂຮຍເກືອປົ່ນ ແລະພິກໄທປົ່ນລົງໃນຊີ້ນປານິນ ແລ້ວຄຸກລົງໃນແປ້ງທອດກອບພໍທົ່ວແລ້ວນຳໄປທອດໃຊ້ໄຟປານກາງ ທອດຈົນສຸກເຫຼືອງ ຕັກຂື້ນມາປະໄວ້ໃຫ້ສະເດັດນ້ຳມັນ ກຽມໄວ້.

- ຈຽວກາທຽມກັບນ້ຳມັນໝາກກອກພໍເຫຼືອງຫອມ ໃສ່ກະລົດ,ບ໋ອກໂຄຮີ່,ໝາກອຶແກ່ ແລະເຂົ້າໄລ້ເບີຮີ່ລົງໄປຜັດໃຫ້ເຂົ້າກັນ.

- ປຸງລົດດ້ວຍຊ໋ອດເຫັດຫອມ,ຊີອີ້ວຂາວ,ນ້ຳຕານຊາຍ,ເກືອປົ່ນ ແລະພິກໄທປົ່ນ ຜັດໃຫ້ເຂົ້າກັນ.

-ໃສ່ປາທອດລົງໄປຜັດເບົາໆ ໃຫ້ເຂົ້າກັນ ຕັກໃສ່ຈານເສີບ ໂຮຍເມັດໝາກມ່ວຫິມະພານ ແລະແກ່ນໃນຕາເວັນເສີບພ້ອມນ້ຳປາຜະສົມນ້ຳໝາກນາວ ແລະໝາກເພັດຂີ້ໝູ.

ສັ່ງຊື້ສີນຄ້າໄດ້ທີ່: https://www.shopping-d.com/